Sarp Jati Rone Lagi

Barson se sookhi dharti par,
Barish ki jhankar jab hone lagi,
Mor hiran khush ho gaye,
Bas ek basti rone lagi,
Kamaye huey Chaurasi Lakh khone lagi,

Kyuki bil me rehte chhipte, Kaiyo ko dans lete they yeh,
Aaj jo aye nazar me tho,
Prakriti inhe dhone lagi,
Barish ki jhankar jab hone lagi,
Sarp jati rone lagi,

Kabhi Iss bil me kabhi us bil,
Chhipne ki jagah inhe jati thi mil,
Par pani aya jab sar par,
Aur baadh ayi inke ghar par,
Inki jivha zehrili tab,
Aag ugalne lagi,
Sarp jati rone lagi,

Varsho se ye shant they baithey,
Kyuki sarp prashaasan mein bhi they phailey,
Jaise hi sher aya yeh bhaage,
Aur kar diye nirdosh bandar aage,

Jinke kandho se bandook chala ke,
Shikaari ne bhi anand paya,
Aur ho gaye sarp bhi khush ki inko bachane shikaari aya,

Par shikaari kahan kisike hotey,
Sula denge sarpon ko bhi rotey rotey,
In sab se ho agnaat wah swapna sanjhone lagi,
Sarp jati rone lagi,
Chaurasi Lakh khone lagi,

Rudaali bane sarp yeh jo bhumika banaye phirte hain,
Kaise bhool gaye ki gaddha khodnewale usi mein girtey hain,
Ki shikaari labh miltey hi sab
Samapt kar chala jayega,
Phir inko bachane kya inka Baap mrityulok se ayega??!

Mehnat inhe karni nahin kewal burai hai karni hoti,
Jo rotey hain jhut moot ke
Aye din chhati peet peet ke,
Unke bhagya ki rekha vaastav mein sadaiva hi hai daridrata boti,
In sabse abodh hokar chaurasi lakh khone lagi,
Sarp jati rone lagi,

Bhram inka ki Shikaari rajya inke hathon sounp jayega,
Yeh swapna kshanbhangur hain, yeh chur chur ho jayega,
Jab tak jagruti mein yeh sarp hain aate,
Tab tak laga denge kitni hi ghaatein,
Inke jaal mein phansega jo,
Woh bhi jeevan gavaayega,
Sab bhulkar Chaurasi ka marm khone lagi,
Sarp jati rone lagi,

Vish hi tho inki visheshta hai,
Par apno pe bhi koi vish fenkta hai??!!!
Yeh baat ek din ya ek raat ki na rahi,
Ki apnon ne tho inki shadyantra bhari chalein dashakon dashakon bhar sahi,
Ab tho sudhar jaate yeh vishailay dantdhari,
Ab tho kar lete bhakti Kalyankari,
Par apnon ko Kehte phirte hain andhbhakt aur bhajan mandali,
Nahin sudhrenge yeh inki tho atma hi kukurmon ki maari,
Andhkar mayi hone lagi,
Sarp jati rone lagi,

Ab inhein na prakash, gyaan, na bhakti marg mein la payegi,
Inki durdasha inpe janamon janam tak mandrayegi,
Yeh shaap nahin hai, hain satya,
Jo sanatani se chala aya hai,
Jisne karma kiya jaisa waisa hi phal khaya hai,
Har janam mein naye shareer par rehti purani chhaya hai,
Yeh avsar manav charm ka lakh chaurasi ke Baad aya hain,
Par unpe aarambh phir se raat kaali hone lagi,
Sarp jati rone lagi,

Isey nahin vyarth jaane dein yeh moti hain mahasagar ka,
Tum chestha na karo bharne ki,
Yeh paani nahin kisi gaagar ka,
Yeh samudra manthan mein Vasuki tum ban sakte ho,
Tho kya hua gar sarp hi huey
Amrit patra ka manthan tho kar sakte ho..!!

Na miley tumhe peene jo amrit tho achha hi hoga yeh bhi,
Na miley raj mukut tho socho niyati ki yehi thehri hogi,
Anyatha kyun gaagar di tumhe saagar jismein nahin bhar sakte ho,
Isi mein kalyan ho sakta hai tum swayam ka bhi kar sakte ho,

Nahin samjhe aaj Iss satya ko tho aage bhi nahi samajh paoge..!!
Tum phir se rengte rengte kisi bil mein hi reh jaoge..!!
Itna prem kaya se apni yeh tum jo karte ho,
Jiski Jay-jaykar karane manobuddhi se ladte ho,
Kya Iss aniyantrit rakt se brahmaand mein kahin uth sakte ho??
Ek nahin sahastra baar soch lo,
Adhyayan apne anubhavo ka karlo,
Kya swayam ke hit hetu tum itna bhi nahin kar sakte ho?!?!?

Jo hai itna hi prem iss se,
Jo bhara halahal vish se,
Uss shareer ki jaykar karaane se bada koi paap nahin,
Phir dohraati yeh bindu satya hai mera shaap nahin,
Kaise yeh 6 varsh bitaye rotey chhati peetatey haye,
Aur Jaane kitne hi amulya
Anandotsav ke kshan gavaaye,
Jo gaya theek pucho swayam se yehi rudan aur kab tak kar sakte ho??
Kya tum apne Iss vish ke sath sanatan astitva grahan kar sakte ho??

Uttar mere prashanon ka inn prashanon mein hi mil jaayega,
Bhakti tho karo hey sarp samudaay..!!
tumhe raj-mukut se adhik mil jayega..!!
Mar mar ke tho jee rahe ho,
Aur jeekar marte ho tum,
Koi labh nahin Trishanku ke Iss swarg mein,
Dharti par karlo amrit manthan,
Ke bhor sundar hone lagi, Ke bhor sundar hone lagi,
Kyu sarp jati rone mein lagi!!
Ab tho bhor sundar hone lagi.

Copyright © protected by Twitter handle @Prisma_Me. Any of the material given in this blog if reproduced in any form without the prior consent of the author will be considered a legal offense and will be subject to law under various sections of the IPC, subject to Mumbai Jurisdiction.

Disclaimer: This website may contain copyrighted material, the use of which may not have been specifically authorized by the copyright owner. This material is available in an effort to explain issues relevant to the Digital Humanities and foreign language education (for e.g. historical, environmental, political, scientific, etc, or) or to illustrate the use and benefits of an educational tool. The material contained in this website/blog is distributed without profit for research and educational purposes. Only small portions of the original work are being used and those could not be used easily to duplicate the original work. This should constitute ‘fair use’ of any such copyrighted material (referenced and provided for under various sections of the IPC). If you wish to use any copyrighted material from this website/blog, for purposes of your own, you must obtain expressed permission from the copyright owner.